Study title

Prosjektet studerer kvaliteten på opplæringa i grunnskulen, knytt til omgrepet tilpassa opplæring, aktualisert av Kunnskapsløftet, men med ei mykje lengre historie. Grunnlaget for prosjektet er analysar av forsking om tilpassa opplæring som syner at ein ikkje kan definere kva tilpassa opplæring er i form av bestemte kategoriar eller metodar for handling. Ein må i staden få fatt i feltet sine eigne vurderingar, grunngjevingar og forståingar av det arbeidet som blir gjort. Det krev ei open tilnærming til fenomenet og omgrepet. Som ein felles referanse i prosjektet legg prosjektet til grunn den didaktiske trekanten, og som er den opne reidskapen for analyse av kvalitetane ved opplæringa. Trekanten framsteller relasjonar mellom aktørar, lærestoff og arbeidsmåtar.